琴晚冇倒数，都唔记得几时系过咗１２点。不过仲系好开心。

六点几钟坐车过三灶，一落车就猎食。

跟住陪凤儿飞咗个靓仔发，跟住就过鸿银酒店等人去唱Ｋ。

等待过程中都约咗乌蝇，成年冇见，哈哈哈～

上到房间我地三个暂时做咗下咪霸，哈哈哈～

后尾黎咗好多人，公司嘅老板同同事，仲有一Ｄ朋友，所以就饮呀饮。

芝华士之后又跟住啤酒，饮到我得翻半条人命……

大概１点，飞完蛋糕冇几耐就翻去世濠，翻到去即时摊上床，突然坐起身：“我嘅袋呢？”

距地话：“点知你”。原来就系地下，跟住我就半昏迷状态。

半昏迷状态维持３个钟，接近３点钟，继续出洞，留低凤儿同佳娴系酒店。

夜晚感觉几好，虽然系有D冻，但系够静。

一直坐坐到睇住人地晨运，哈哈哈，如果系我我会选择赖床。

趁天未光就翻去休息下，点知手脚都冰凉，根本就又一个半昏迷状态。

早上10点钟就出发早茶，冇位置坐，只好又跟同事同台。

跟住就被朋友送翻学校……

THX ……